Førjulsope på Eikaasgalleriet

Treng du litt førjulsstemning, noko kjekt å finne på med borna, få handla litt julegåver eller har du berre lyst på ein kafètur? Då bør du ta turen til førjulsdag på Eikaasgalleriet.

I juleverkstaden for små og store kan du lage utradisjonelle julekort og gåvelappar inspirert av Ludvig Eikaas og Engel Astrup. Det vert høve til å teste ut ulike trykkemetodar.

Kom i julestemning i kafèen, der får du kjøpt noko varmt å drikke og julebrød.

Nytt høve til å sjå utstilllinga LIVSNERVEN - frå stove til atelier. I utstillinga vil ein treffe fleire skikkelsar innanfor vev- og heimeyrketradisjonen i Jølster, og koplingane vidare ut frå stovene. Koplingar som har vore viktig for sysselsetting, men ikkje minst for kreativt samarbeid og bulyst. Kl. 14.00 kan ein vere med på ei lita omvising i utstillinga.

Øvrebø smykkeverkstad held også ope denne dagen, like over vegen.

Velkommen til ei hyggeleg førjulsstund på Ålhus og Eikaasgalleriet!