Gå til Musea i Sogn og Fjordane
Kystmuseet
kystmuseet/img20220804182941.jpg
Publisert 15/08/2022
Av Stina Celine Gjerdingen

MS Haugefisk på Fjordsteam 2022

MS Haugefisk deltok på Fjordsteam i Bergen den 4. - 7. august. Festivalen er ei av dei største feiringane av bevegelig kulturarv i Europa, og fartøyvern utgjer den største andelen med heile 65 påmeldte fartøy.

Av dei 100 000 besøkande som var innom festivalen i løpet av helga gjekk over 2000 om bord på Haugefisk for å lære om autolinefiske. Kaféen under shelterdekk var også godt besøkt, og sild og potet, kaffi og sveler gjekk unna.

Konsentrerte karar frå Haugefisk venner renser sild.
Konsentrerte karar frå Haugefisk venner renser sild, tørka på Kystmuseet i Florø.

Om bord viste Haugefisk videomateriale frå tida båten var i drift, som viste blant anna mannskap i arbeid, maskineri og agning av line. For besøkande i alle aldrar fekk Haugefisk formidle breidda i den bevegelige kulturarven, gjennom historisk køyretøyparade og båtturar på fjorden.

Vi gler oss allereie til Fjordsteam 2026!

Steiking av svele.
Flinke damer frå Haugefisk venner steiker sveler til den store gullmedalje.
Besøkande foran skjerm som visar sløying av fisk
Om Fjordsteam

Fjordsteam er den største arenaen for tekniske kulturminne i landet. Fartøyvern utgjorde i 2022 den største andelen med heile 65 påmeldte fartøy. Fly, køyretøy, damptog og trikk er også godt representert.

Festivalen har blitt arrangert i Florø (2010, 2015), Stavanger (2012) og Bergen (2013, 2018, 2022). MS Haugefisk har deltatt heilt frå start.

Neste Fjordsteam blir i Bergen 6. - 9. august 2026.

Under arrangementet kan publikum møte representantar for tradisjonar innan båtbygging, fiske og fangst. Startskotet for arrangementet er ein storstilt opningsparade, og gjennom helga kan publikum oppleve mellom anna turar med rutefartøy, konsertar frå scene og fyrverkeri.