Førjulsope i Astruptunet

Astruptunet er i ferd med å kle på seg vinterdrakta, og vi inviterer inn til førjulsope i tunet før vi startar førebuingar av ein ny sesong.

I museumsbutikken kan du handle små og store julegåver. Om du vil gje ei oppleving som varer, sel vi årskort som gjev tilgang til Astruptunet i heile 2025 og gjev tilgang til dei 12 musea i Musea Sogn og Fjordane.

I galleriet kan du være med på omvising i utstillinga "Naturens gåve", kor du kan sjå arbeid frå både Nikolai og Engel.
Den gjev eit nærare blikk på det rike plantelivet Nikolai Astrup skapte rundt heimen sin. Du får sjå mange verk som syner kva hagen gav av frodig avkasting.

Kaféen held ope, og vi serverer varm drikke og noko å bite i.
Det er fri inngang til tunet, men ein løyser billett i galleriet.

Velkomne til førjulsstemning hos oss!