Velkommen til ei fagleg og perspektivrik markering av 8. mars ved Kystmuseet!
I samband med Historiske dagar inviterer Kystmuseet til årets 8. mars-foredrag! Her løfter vi fram korleis kvinner gjennom ulike historiske periodar har kome til orde – og kva som har forma moglegheitene deira for å delta i offentlegheita. Foredraget tek føre seg kvinnelege røyster frå mellomalderen og fram til i dag, med døme frå både europeisk, norsk og lokal historie.
Foredraget vert halde av Inger Vederhus, dosent/professor ved OsloMet. Ho har lang erfaring innan litteraturhistorie, norskdidaktikk, skriveforsking og retorikk. Vederhus har bidrege til både Nordisk kvinnelitteraturhistorie og Norsk kvinnelitteraturhistorie, og har bakgrunn som journalist og forlagsredaktør. Ho har òg hatt fleire faglege og organisatoriske verv, mellom anna i Noregs Mållag, og har gjennom mange år arbeidd med formidling og forsking knytt til kvinnelege forfattarar og historiske stemmer.
Foredraget gir eit breitt og historisk forankra perspektiv på korleis kvinner har uttrykt seg, blitt høyrde – eller blitt tause – gjennom meir enn tusen år.
Visste du at Inger Vederhus hadde 8.mars-talen i Florø i 1986, for 40 år sidan? Det er berre å ta turen!
Inngang.
Museet er opent frå 12.00 - 15.00