Opplev handelsstadens livlegaste dag!
I år igjen vert det arrangert handelsdag på Vågsberget. Det vert fleire spanande bodar og aktivitetar, musikk, og gardsdyr som kjem på besøk. Vi held guida omvising i tunet og har servering av rømmegraut og bakst i kaféen.
Vågsberget er ein gammal handelsstad som fekk kongebrev og handelsprivilegie på 1600-talet, men det er heller ikkje usannsynleg at det gjekk føre seg litt handel her i tida før det. Dette var nemleg ein storgard og låg lagleg til ved sjøvegen! Mot midten av 1800-talet var det nedgangstid i handelsverksemda og til slutt var det ikkje lenger handel på Vågsberget. Sidan 2024 har vi haldt ein storslått handelsdag på Vågsberget for å heidre den gamle handelsstaden!