Kunstfagleg råd ved Sogn og Fjordane Kunstmuseum gjorde i møte 14.11.2023 einstemmig vedtak om å innstille Audgunn Naustdal Holsen til det regionale BKH-stipendet 2023 på kr 100.000. Styret for Stiftinga Musea i Sogn og Fjordane slutta seg til innstillinga i styremøte onsdag 22. november.
Rådet har lagt vekt på at stipendmottakar har tilknyting til Sogn og Fjordane og at prosjekta skal gjennomførast her.
Gjenbruksfokus
Kunstnarens vektlegging av gjenbruk av tekstilmateriale til nye kunstverk, i tillegg til bruk av neslefiber som materiale, har rådet vurdert som relevante og aktuelle. Holsen er ein erfaren og etablert tekstilkunstnar med fleire separat- og gruppeutstillingar både nasjonalt og internasjonalt. Kunstnarskapet er i ei interessant utviklingsfase, og stipendet bidrar til ytterlegare fagleg fordjuping.
BKH regionale tildelingar
Stipendet «Delegerte tildelingar» frå Bildende Kunstneres Hjelpefond (BKH) har som formål å styrke det regionale kunstfeltet knytt til kunstsentera si verksemd. Kunstsenter som er slutta til Kunstsentrene i Norge (KiN) kan søke om midlar til eigne stipend eller prosjektstøtteordningar. 2023 er siste året Sogn og Fjordane Kunstmuseum tildeler midlane, og frå neste år vert ordninga teke hand om av Kunstnarsenteret i Sogn og Fjordane.
Audgunn Naustdal Holsen
post@audgunn.no
Tor Martin Leknes
Musea i Sogn og Fjordane, avdelingsdirektør
torlek@misf.no | 466 93897