Tides er eit stadspesifikt og fleirårig prosjekt laga i 2020-2021. Cecilia Jonsson (1979, SE) installerer ein oppspent, ph-sensitiv tekstil for ein periode. Dei valde stadene har ei stor politisk, vitskapeleg, religiøs eller mytisk interesse. Så filmar Jonsson tekstilen medan tidevatnet flør og fjærar.
Verket er ein reaksjon på Nordic Mining sitt rutil- og granatgruveprosjekt i Engebøfjellet i Sunnfjord. Det planlagde dagbrotet kan føre med seg 250 millionar tonn gruveavfall og kjemikaliar i eit sjødeponi i den artsrike laksefjorden.
Gruveprosjektet har i årevis skapt sterk debatt om dei alvorlege konsekvensane for livet i og rundt fjorden. Av verdas 2500 industrigruver dumper berre 11 avfall i havet. Fem av gruvene er i Noreg. Noreg er eitt av tre land i verda som framleis gjev løyve til sjødeponi.
Varighet: 15 min 55 s
Verket vart kjøpt inn til samlinga i 2021 med ekstraordinære koronamidlar.