Denne laurdagen lagar vi sjølvlysande masker!
På verkstaden får de først konstruere dykkar eiga maske i papp, med hjelp av saks og limpistol. Deretter dekorerar vi maska med måling. Til slutt, når målinga har tørka, pyntar vi maska med sjølvlysande måling.
Når maska er ferdig kan de gå inn i utstillinga "Å møtast" og sjå kor fint den lyser. Museumsverten i resepsjonen slår av lyset og de får med lanterne og lommelykt. Kunstinstallasjonen i utstillinga blir ein ekstra spennande labyrint når ein har på sjølvlysande maske!
Alle born er velkomne inn på verkstaden, sjølve aktiviteten passar best for dei som er 4 år og oppover (ein vaksen må hjelpe med bruk av limpistol og påføring av den sjølvlysande målinga).
Familieverkstaden og utstillingane er gratis for born i følge med betalande vaksen. Born under 12 år må bli følgt av ein føresett på verkstaden.
-
For vaksne med årskort på museet er verkstaden gratis. Ellers gjeld vanleg inngangsbillett på museet, du kan kjøpe billett på førehand eller i resepsjonen ved ankomst.
-
Merk: alle som vil delta på verkstaden må registrere seg i resepsjonen først. Borna får utdelt sin gratisbillett der.
-
Førstemann-til-mølla-prinsippet gjeld for verkstadane. Er det mange som kjem samtidig må ein berekne litt ventetid før det blir ledig plass - vi gjer det vi kan for at alle skal få komme inn.
Full verkstad når du kjem? Ta ei runde i utstillingane på museet eller ein kakao i kafeen medan de ventar.