Ver eit born sjølv eller ta med eigne born, borneborn eller syskenborn og slå dykk laus på familieverkstad!
Denne laurdagen let vi oss inspirere av alt det fine, rare og spennande vi kan sjå i Vestlandsutstillingen 2024. For å hjelpe dykk med å samle inspirasjon til aktiviteten på verkstaden, får de utdelt eit ark med oppgåver de kan løyse saman inne i utstillinga. Fulle av nye inntrykk kjem de så tilbake til verkstaden og er klare for å lage dykkar eigne små kunstverk. Med ulike typar material kan de lage mini-skulpturar og mini-bilete. Kvifor mini? Fordi til slutt kan de plassere dei små kunstverka inn i den bittelille utstillinga vi saman lagar på verkstaden: ei mini-Vestlandsutstilling!
Familieverkstaden er gratis for born i følge med betalande vaksen. Born under 12 år må bli følgt av ein føresett på verkstaden.
For vaksne med årskort på museet er verkstaden gratis. Ellers gjeld vanleg inngangsbillett på museet, du kan kjøpe billett på førehand eller i resepsjonen ved ankomst. Billetten gjev også inngang til alle utstillingane.
-
Merk: alle som vil delta på verkstaden må registrere seg i resepsjonen først. Borna får utdelt sin gratisbillett der.
-
Kunstmuseet inviterar til månadleg familieverkstad, som regel siste laurdag i månaden. Følg med på nettsida vår eller facebook for meir info om kvar verkstad.