Herlege Duo Ruut frå Estland er årets Førdefestivalgodbit som speler hos oss i utstillinga Tunger i tre, preiker i steinar av Marianne Morild!
Konserten er fredag 7. juli, og billettar finn du øverst på sida. Når musikk og måleri speler saman skapar dei magiske augneblink.
Duo Ruut (Duo Kvadrat) – ungdommeleg folkemusikk
Etter å ha funne ny inspirasjon frå forfedrane sine folkemusikktradisjonar i 2017, sat Katariina Kivi og Ann-Lisett Rebane ein dag der, med ein estisk zither midt mellom seg. På den eine sida var det eit samantreff av mange ulike faktorar, på den andre eit resultat av mange år med eksperiment og akademiske studiar. Det nye instrumentet var ein frisk start for duoen, og baud på mange måtar å skape og meistre nye teknikkar på.
Det å komponere på eitt instrument gjev trange rammer, så Duo Ruut si største utfordring har vore å sleppe fantasien ut av boksen for å kunne mate musikken sin med nye og spennande idear.
Utstillinga kan få oss til å tenkje på ei framtid der naturen og respekten for andre sine liv står i sentrum: planter og dyr, men også liva til andre menneske. Vi kan drøyme om ei verd med ein annan verdsorden enn den vi har gjort oss avhengige av i dag.
Draumar er tema for Førdefestivalen 2023 og utstillinga er årets festivalutstilling.