Vi gler oss til å opne dørene til vår nye, monumentale sommarutstilling i Høgsalen!
I utstillinga Gjenklang blir publikum invitert inn i det vestlandske landskapet gjennom eit storslått panoramamåleri. Hovudverket – eit heilt nytt, monumentalt verk skapt spesielt for denne utstillinga – fyller høgsalen med si kraft og nærvær. Måleriet Gjenklang er heile 11 meter langt og 2 meter høgt, og er utført i kol og akryl. Det skildrar eit stemningsfullt skoglandskap der menneskeliknande vesen ser ut til å vere vevde saman med både røtene og sjølve landskapet – som om dei er ein del av naturen sjølv. Linda Soh Trengereid sine verk tematiserer landskap, tilhøyrsle og det tidlause. Ho løftar fram naturen som ein eldgamal forteljar – ei urstemme som har vore her lenge før oss, og som vil leve vidare etter oss.
Linda Soh Trengereid (f. 1984 i Seoul, Sør-Korea) voks opp på Sotra utanfor Bergen. I dag bur og arbeider ho i Bergen.
Program for kvelden:
19:00 Dørene opnar, velkomst med aperitiff
19:30 Offisiell opning. Introduksjon frå kurator og museumsleiar, Mayra Henriquez og Sølvi Lien, direktør for Førdefestivalen. Opningstale ved direktør og grunnleggjar av Høyersten Contemporary, Erlend Høyersten.
Musikalsk innslag ved gitaristen Ole André Farstad.
Kafè Sobra held ope
21:00 Museet stenger
Gratis inngong // Velkomen til utstillingsopning!
I samarbeid med Førdefestivalen.
