Foredrag: «Kvinnelege fjellklatrarar» - Til topps med bukse i sekken.
v/ Mary Ann Menes
På slutten av 1800-talet byrja kvinner å erobre fjelltoppar i Alpane, før dei retta blikket mot fjella i nord. William Cecil Slingsby, kjend som «norsk tindesports far», var tidleg ute med å oppmuntre kvinner til å klatre.
Gjennom foredraget møter vi mellom andre Therese Bertheau, Margaret Sophie Green Kvikne og den britiske klatrepioneren Elisabeth Le Blond. Ho måtte utfordre dei strenge viktorianske kleskodane som rådde i Storbritannia og resten av Europa.
Desse kvinnene sprengde grensene for kva som vart rekna som akseptabel kvinneleg åtferd i si tid. Overgangen frå skjørt og korsett til meir praktiske klatreklede gjekk hand i hand med kampen for kvinner sine rettar og auka fridom.
Pris: 150,- (betaling i døra)
