Opplev Holvikejekta - eit klinkebygd fraktefartøy frå 1881 - som er landets einaste i sitt slag!
Holvikejekta har stått på land sidan 1906, men i 2025 har ho endeleg fått eit eige verne- og formidlingsbygg å bu i. Gjennom eit besøk får du lære om Holvikejekta og jektefartshistoria i Noreg, og korleis jektene var viktige for lokalsamfunna langs kysten. Vi trekker også parallellar til bygging av Nordfjordbåten, som har ei tusen år gammal historie i Gloppen, og du vil finne ei eiga utstilling om dette på mesaninen.
I utstillingane vil du finne historiske fotografier, og tekstar som viser jekta si rike historie. Lær om jektefarten til Bergen, om båtbyggarane, og mykje meir.
Holvikejekta er ein del av publikumstilbodet til Nordfjord Folkemuseum, som ligg på Sandane. Ved å kjøpe inngangsbillett får du tilgong til begge inkludert i billetten. Vis billetten din i resepsjonen ved ankomst.
Ønsker du å lære meir om Holvikejekta? Vi tilbyr omvisning etter avtale for skuleklasser, og andre grupper. Ta kontakt med oss på e-post for meir informasjon.
