Mørketida er her...Halloween og Allehelgensdag er rett rundt hjørnet – har du og minsten kostymet klart? På laurdag lagar vi masker som kan lyse i mørkeret!
På verkstaden får borna utdelt ei kvit maske i papp som dei kan dekorere med måling. Først med fargar og når målinga har tørka kan dei pynte maska med sjølvlysande måling.
Når maska er ferdig kan de gå inn i utstillinga "Å møtast" og sjå kor fint den lyser (museumsverten i resepsjonen slår av lyset og de får med lanterne og lommelykt!). Kunstinstallasjonen i utstillinga blir ein ekstra spennande labyrint når ein har på sjølvlysande maske.
Familieverkstaden og utstillingane er gratis for born i følge med betalande vaksen. Born under 12 år må bli følgt av ein føresett på verkstaden.
-
For vaksne med årskort på museet er verkstaden gratis. Ellers gjeld vanleg inngangsbillett på museet, du kan kjøpe billett på førehand eller i resepsjonen ved ankomst.
-
Merk: alle som vil delta på verkstaden må registrere seg i resepsjonen først. Borna får utdelt sin gratisbillett der.