I samarbeid med Sogn og Fjordane Kunstnarsenter inviterar vi til performance ved kunstnarane Marina Venendaal og Bjørn Venø.
Performancen startar i utstillinga i 2. etasje – du er velkommen til å delta, eller berre betrakte det som skjer på avstand.
Nysgjerrig på performance? Det er ein kunstsjanger som kan ligne litt på teater og dans. Ein performance er ei prosessbasert kunstform som inneheld element frå biletkunst, teater og musikk.
Om utstillinga: «Mønstring 2024. Stad. Tilknyting. Rørsle.» er ei medlemsutstilling med kunsthandverk og biletkunst av kunstnarar med tilknyting til Sogn og Fjordane. 39 av medlemmene i Kunstnarsenteret i Sogn og Fjordane deltek i utstillinga med til saman 59 verk.
BILLETTINFO:
Det er gratis å vere med på arrangementet så lenge du har inngangsbillett til museet eller årskort. Oppmøtestad er i utstillinga i andre etasje. Arrangementet varar i ca. 50 min.
Bjørn Venø (f 1979, busett og arbeider på Venøy i Stad kommune) er ein kunstnar som jobbar med foto, video, performancekunst, skriving, teikning og musikk. Det å mislykkast, identitet, kjønn og metafysikk vert utforska ved å bruke fri assosiasjon, intuisjon og eigenskapane til narren. Venø har ein master i fotografi fra Royal College of Art i London. Arbeida hans er i museumsarkiv ved Norton Museum of Art, West Palm Beach, Florida, USA, og Museum Palazzo Riso, Palermo, Italia.
Marina Venendaal (f. 1967, busett i Nederland / Hornindal). Nederlandsk kunstnar med tilknyting til Hornindal. Venendaal jobbar med stadsspesifikker verk, teikning og måleri. Instalasjonen i Mønstring handlar om eit liv som ligg i filler. Verda som har blitt uoversikteleg, nesten gjennomsynleg. Verda er fortsatt der, men er ikkje til å gripe lenger. Filler er til overs. Verket består av papirstrimlar av sider frå Times Magasin.