Velkomen til opning av utstillinga "Nikolai Astrup: Mine henders gjerningar" på Sogn og Fjordane Kunstmuseum
18:30 – Dørene opner
19:00 – Opning
Velkomst og opning v/ Tor Martin Leknes, Mayra Henriquez og Solveig Berg Lofnes frå Sogn og Fjordane Kunstmuseum og Astruptunet
Opningstale v/ ordførar Jenny Følling og Hilde Bjørkum, kommunalsjef kultur og idrett
Opningskonsert med Erlend Apneseth
Takk og avsluttande ord v/ Jan Heggheim, administrerande direktør Musea i Sogn og Fjordane
Det blir enkel servering.
I tillegg er Kafe Sobra er opent.
Kunsten til Nikolai Astrup har nyleg vore på turnè frå Bergen til London, Massachusetts og Oslo - no kjem fleire av desse bileta til Førde og i denne utstillinga får du sjansen til å gjere eit djupdykk i dei.
Astrup var ikkje berre ein nytenkande målar og grafikar, han hadde stor omtanke for naturen og eksperimenterte og jobba fram sin eigen sjølvbergingshage på Sandalstrand. Med hendene skapte han slik si verd, som i dag er mogeleg å oppleve i Astruptunet.
I Sunnfjord si eiga storstove for kunst er vi glade for å ynskje velkomen til den første utstillinga av Astrups kunst. Utstillinga vil vise verk frå den seine delen av kunstnarskapet, og for publikum kan ein sjå fram til måleri som Marsmorgen, og Revebjeller i form av både måleri, grafikk og trykkeplater. Vi gler oss også til å vise ein unik Astrup-installasjon, som vart utvikla til utstillinga "Brikker", som blei vist på MUNCH og Kode.