Vandring med ord og tonar i Rolv Muri-utstillinga

Jazzmusikar og komponist frå Stryn som har gjeve ut 18 soloplater, og deltatt på over 200 fonogram (cd og andre lydmedium) med andre artistar. Henriksen er ein grenseoverskridande musikar som dyrkar ulike musikalske uttrykk og stilartar, i spennet mellom det lokale og det internasjonale. Han har vore medlem i fleire grupper, m.a. Veslefrekk, Trygve Seim Ensemble og Supersilent, og har samarbeida med internasjonale kunstnarar som John Paul Jones, Imogen Heap, Jakob Bro, Fennesz, Laurie Anderson og David Sylvian. Arve Henriksen har lenge vore opptatt av dei kulturelle røtene sine, og gjeve ut fleire cd-ar med lokalt feste: Strjon, Ellivan (med dikt av Elling Vanberg) og Eg gjekk ned til denne fjorden (med tekstar av Kjartan Hatløy). Henriksen har fått Radka Toneffs minnepris og Buddy-prisen.

Kyrre har vore skodespelar ved teater Vestland (tidlegare Sogn og Fjordane Teater) sidan 1996. Han kom direkte frå skodespelarutdanning ved Bergen Teaterskole og har i løpet av denne tida fylt om lag 70 forskjellige ensembleroller, i tillegg til mindre framsyningar. Du har sett han i framsyningar som «Saman skal vi leve», «Mikael Hetles siste ord», «Få meg på for faen», «Kjærleikens ferjereiser», «Så vakker du er», «Fugletribunalet», «Eg er i går», «Alt det lyse og alt det mørke», «Jostedalsrypa» og klassikarane «Dødsdansen», «Vildanden» og «Privattimen».

 Siste halve året har han vore på turnert heile landet med den kritikarroste framsyninga «Tollak til Ingeborg».

Kyrre har i ei årrekke spelt prest i Kinnaspelet, og han har dessutan spelt i kortfilmar som «Astrup - flammen over Jølster» og «Jonni Cowboy».

Kyrre bur på Jølster, er gift med Birgit Tansøy og har fire barn.

Vaksen: 150 kr

For dei med årskort: GRATIS