Finurleg eller morbid?
Frå dagens perspektiv kan ferdigheitene og kunnskapen folk brukte i før i tida verke både finurlege og til tider morbide. Men i ei tid før pengeøkonomi, plastikk, elektrisitet og butikkar var det i mange tilfelle rett og slett naturleg. Museet dreg også tråden fram til vår tid og korleis dagens ressursutnytting ser ut.
Ein augeopnar
På søndag blir det ein spesiell introduksjon og omvising i utstillinga med museumspedagog Trine Anette Fostervold. Fostervold har vore prosjektleiar, og fortel at utstillingsarbeidet har vært ei augeopnar for henne om kunnskapen og ressursutnyttinga i det tradisjonelle bondesamfunnet.
Tinga og måtane det blei til på viser spesialiserte ferdigheitar menneska før i tida lærte seg sjølv og andre. Dei lagde så mykje med sine eigne hender ut av råmateriale vi knapt hadde kome på i dag. Det er eit stort forbilde på korleis vi kan tenkje berekraftig i dagens samfunn, og eg håper at utstillinga vil både inspirere og begeistre.
Dagens samfunn
I dagens samfunn lyter vi meir på plastikk og masseproduksjon av tinga og kleda våre, noko som har konsekvensar for både miljø og bevaring av tradisjonelt handverk. Samstundes gjev utstillinga også døme på korleis fleire driv sjølvforsyning i større og mindre grad i dag, som til dømes egg frå eigne høns, spinning av garn frå lokale sauebønder og dyrking av grønsaker til eige bruk.
Utstillinga kjem til å stå ut året, så om ein ikkje har høve på søndag kan ein besøke oss i opningstida eller tinge omvising. Utstillinga passar for både skuleklassar, lag og organisasjonar og private grupper.
For meir informasjon, kontakt
Museumspedagog Trine Fostervold trifos@misf.no / 951 09 446