Mot vest - seminar om utvandringa til Amerika

I 2025 er det 200-årsjubileum for utvandringa til Amerika. 15. mars markerar vi starten på jubileet og Nordfjord Sogelag og Nordfjord Folkemuseum inviterar til seminar med nasjonale føredragshaldarar som er ekspertar innan feltet.

I år er det 200 år sidan den første organiserte utvandringa frå Noreg til Amerika fann stad. 4. juli 1825 drog båten «Restauration» frå Stavanger med 52 personar om bord. Dermed var startskotet løyst for det som vart ei storstila utvandring til Amerika. Mellom 1825 og 1980 utvandra om lag 900 000 personar til Nord-Amerika. Utvandringa er såleis ein sentral del av den nasjonale historia vår.

Seminar om utvandringa 15. mars

200-årsjubileet vil bli markert med ei lang rad arrangement rundt om både i Noreg og Amerika. Også i Nordfjord vil utvandrarjubileet bli markert på ulike måtar. Eit av første arrangementa blir eit seminar på Nordfjord Folkemuseum på Sandane 15. mars. Arrangørane, Nordfjord Sogelag og Nordfjord Folkemuseum, har sett saman ein variert og spennande meny.

Føredragshaldarane har stor kunnskap om temaet utvandring.

Ønske du å kome på seminar?

Når: 15. mars kl. 10.00 - 16.00

Stad: Nordfjord Folkemuseum, Sandane

Påmelding: Bjarne Kaarstad.

E-post: bjakaar@gmail.com eller telefon 917 18 957

Påmeldingsfrist: 1. mars

Deltakaravgift: kr. 500,- inkludert lunsj.

Betaling ved frammøte, med vipps eller kontantar

Desse kjem

nordfjord-folkemuseum/terje-joranger.jpeg.

Terje Mikael Hasle Joranger

Fag- og forskingsdirektør ved Norsk utvandrermuseum på Stange i Innlandet. Han har doktorgrad i historie med migrasjon og etnisitet som tema.

Lena Eikeland Kutschera

Avdelingsleiar på Vestnorsk utvandringssenter på Radøy. Dette senteret er eit friluftsmuseum med bygningar som er flytta tilbake til Noreg frå Amerika.

Knut Djupedal

Historikar og tidlegare direktør ved Norsk utvandrermuseum. Han har skrive bøker og artiklar om utvandring, mellom anna ein artikkel om utvandringa frå ytre Nordfjord.

nordfjord-folkemuseum/sallie-anna-pisera_msf_03536_29111380.jpg.

Sallie Anna Steiner Pisera

Museumsleiar på Sunnfjord Museum. Ho har arbeidd mykje med norsk-amerikanske samfunn i Øvre Midtvesten. Ho er sjølv norsk-amerikanar med røter i Jølster.

Rasmus Sunde

Historikar og tidlegare 1. amanuensis ved Høgskulen i Sogn og Fjordane. Han har skrive bøker om utvandring, mellom anna Langt borte - men likevel nær, om utvandringa frå Stryn.

Som det går fram av omtalen av føredragshaldarane, har dei både einskildvis og samla stor kunnskap om utvandring. Vi kjenner oss trygge på at deltakarane etter seminaret vil sitje att både med ny kunnskap og nye perspektiv på fleire område av utvandringshistoria.

Bilete øverst i artikkelen er frå Hestnesøyra i Gloppen kommune, og syner ein talrik flokk som møtte opp på kaia for å ta farvel med tre karar hadde vore heime ein tur og skulle reise attende til Amerika.