Det nærmar seg vinterferie, og Nordfjord Folkemuseum inviterar til feriedagar! Vi utvidar opningstidene og held ope frå søndag 18. februar til fredag 23. februar kl. 11-16.
Vi legg til rette for ein kosleg dag med aktivitetar som passar både store og små.
Program for dagen
- Familieomvisning i utstillinga Dyrebar kl. 13
- Aktivitetsstasjonar kl. 11-16
I aktivitetsstasjonen kan du få prøve deg på karding og spinning med ull, hosebandfletting, nålefilting og tradisjonshandverket hakking som er ein gammal hekleteknikk.
Det blir også ein museumsquiz for store og små, der vi trekk ein vinnar siste dagen i ferien.
Kafeen og museumsbutikken held ope alle dagar.