Velkommen til fastelavnssøndag på museet!
Fastelavnssøndag markerer starten på dei tre festdagane som innleiar fastetida før påske. Det finst mange tradisjonar knytt til fastelavn – som betyr «kvelden før fasten». Denne dagen tek vi fram nokre av dei gode, gamle skikkane her på museet, som fastelavnsris og sjølvsagt nydelege fastelavnsbollar.
I Helgheimsstova kan du lage ditt eige fastelavnsris og inne i hovudbygningen kan du prøve dei ulike formingsstasjonane våre. Her kan både små og store lage karnevalsmasker og teste «pinjata» – eller katten i tønna, som vi gjerne kallar det på godt norsk.
Ute på området kan du gå vår fastelavnsrebus, og dersom ver og føre spelar på lag, set vi fram spark og lagar skiløype.
Vi håpar du vil feire fastelavn saman med oss. Velkommen til ein triveleg og fargerik dag på museet!
