Det har vorte samla gjenstandar til De Heibergske Samlinger sidan grunnleggjar Gjert Falck Heiberg, tok til å samle bondegjenstandar frå Sogn, og reiskapar frå heile Noreg i åra kring 1900. denne innsamlinga skulle visa seg å bli både starten på eit samlarlivsverk og eit folkemuseum i Sogn.
Heibergs museum starta som ei privat samling, men alt i 1909 overdrog han den til det nystifta Historielaget for Sogn. Samling omfatta alt då mellom anna 3000 gjenstandar, eitt hus og ein runestein. Sidan då har det skjedd mykje, både når det gjeld innsamling, forsking og bevaring av samlinga.
