Velkomne til den tradisjonsrike førjulskvelden på museet!
Ta med deg vener og familie og finn den gode julestemninga hjå oss. I kveldsmørket samlast vi på museet for hyggjeleg førjulsstemning med sal av julegraut, kaffi og kaker.
I løpet av kvelden skal vi ta med oss julegraut ut til fjøsnissen som held til på garden her på museet. Han er litt folkesky, men klarar vi å lokke han fram?
Me går ut i fleire omgangar, klokka 16:00, 16:30, 17:00 og 17:30. Er vi heldig kjem han fram og helsar på oss. Det kan vere kaldt ute, så kle deg godt!
Vanlege inngangsprisar, gratis med årskort!
Me gler oss, vel møtt!
