Velkomne til olsok på museet!
Her vert det liv i husa, rebusløype med premie til ungane, trekkspelmusikk på uteområdet og rømmegraut i kafeen. Frå kl. 11-15 er det ope i smia, Leirmostova, Haugastova og Kvammestova.
I Kvammestova vert det mellomalderstemning, med spinning på handtein, nålebinding, og forteljarstund med lokale segner om Olav den heilage.
Kvammestova er også start- og sluttpunkt på rebusløypa.
I Leirmostova og Haugastova sit det kunnskapsrike damer som både kan formidla og visa ulike typer handverk. Også i smia er de velkomne inn for å sjå på smeden i aksjon. Kl. 14 kan alle som vil vera med til dyra for å gi dei mat.
Me håpar å sjå dykk hjå oss!