Ei unik helg med historisk handverk og inspirasjon
Urnesportalen er eit meisterverk innan norsk treskjærarkunst – kjend for si presise linjeføring og komplekse mønster. No har du sjansen til å lære deg kunsten å lese og forme i Urnesstil, under kyndig rettleiing av treskjærar og museumshandverkar Kai Johansen.
Om kurset
Gjennom ei helg får du ei grundig innføring i:
stilhistoriske trekk frå vikingtid og mellomalder
arbeid med arbeidsteikningar i Urnesstil – forstørre, forminske og overføre til emne
tilpassing og klargjering av emne for skjering
bruk og vedlikehald av treskjærarverktøy
praktisk skjering og teknikkar
prøving av kopiar av treskjærarjern frå vikingtid/mellomalder, laga til forskingsprosjektet Treets meister
tips om utstyr, materialval og kor du får tak i det du treng
Du kan velje mellom tre ulike vanskegrader med ferdigteikna mønster, eller ta med eit eige prosjekt og dekorere det i Urnesstil. Det vil vere ferdige emne i lind eller furu tilgjengeleg.
Dato: 26.–28. september 2025
Stad: De Heibergske Samlinger – Sogn Folkemuseum
Tidspunkt:
Fredag kl. 16.00–21.00
Laurdag kl. 09.00–17.00
Sundag kl. 09.00–16.00
Kurset passar både for nybyrjarar og vidarekomne. Du kan ta med eige verktøy (treskjærarjern, treklubbe, teikneutstyr), men det finst òg mykje verktøy til utlån på verkstaden.
Om Kai Johansen
Kai arbeider som museumshandverkar, og er utdanna treskjærar med bakgrunn frå Raulandsakademiet og med bachelor i tradisjonshandverk frå NTNU. Han har drive eiga verksemd i ei årrekkje og levert trearbeid til museum og vikingentusiastar over heile Skandinavia. Sidan 1996 har han halde kurs med fokus på vikingtid og historisk trehandverk.
Har du spørsmål? Kontakt Kai på telefon 414 91 899
Frist for påmelding er 1. september. Kurset vert holdt med atterhald om at vi får nok påmelde. Ved avlyst kurs vert du fullt refundert.
La deg gjerne inspirere av Kai på sosiale medium: