Sommaren er her, og det er klart for nye familiedagar på Sunnfjord Museum!
Aktivitetar ute og inne, for heile familien!
På familiedagane kan du vere med på aktivitetar i tunet og inne, og vi legg opp til læring og leik for heile familien!
Vi har omvisingar i tunet og/eller utstillinga som er tilpassa born og familiar.
10.00 -17.00
Aktivitetar i utstillinga Livreddaren - prøv å karde, spinne, nålefilte eller veve
10.00 -17.00
Aktivitetar ute i tunet - uteleiker, prøv å kverne korn eller bære vatn. I Huus stova kan du lage kongledyr, spele og teikne. Nede ved Movatnet kan du lage din eigen leikebåt.
11.00 -15.00
Øksekasting
12.00 og 14.00
Familieomvising. Møt opp i resepsjonen eller ved Østenstadstova
Utstillinga Livreddaren og aktivitetstilbod
I utstillingssalen kan du sjå Livreddaren. Utstillinga tek føre seg treeinigheten mellom landskap, dyr og menneske. Gjennom fotografi, handverksprodukt og installasjonen Ullgloa blir du kjent både med sauen og ulla. Som del av utstillinga kan du prøve å karde og spinne, nålefilte og flette, for å bli enda betre kjent med materialet!
Ope heile sommaren
Museet er ope kvar dag i sommar med utstilling, butikk og enkel kafé med kioskvarer, kaffi og is.
NB! På dagar med arrangement vil vi at alle som nyttar seg av museumsområdet løyser billett.