Lag ei sponkorg på årets første familiedag, på Sunnfjord Museum!
Vi inviterer til familiedag der born frå 10 år og oppover kan lage seg ei sponkorg.
Mini-kurset er gratis for borna å delta på. Barnet må ha ein føresett med seg som må løyse vanleg inngangsbillett på kr. 130 (vaksen) eller kr. 100 (honnør/stud.).
Mini-kurset skjer i verkstadbygget på Sunnfjord Museum. Korgmakarane Hege Iren Aasdal og Samson Øvstebø viser borna korleis dei kan flette si eiga sponkorg.
Det blir lagt opp til to mini-kurs denne dagen:
kl. 12.00 – 14.30
kl. 14.30 – 17.00.
Det er plass til 8 born på kvart mini-kurs, og det er første mann til mølla!
Send e-post til sum@misf.no med namn på barnet og føresett som blir med. Merk e-posten med "minikurs".
Hugs også å opplys om kva tidspunkt du ynskjer å vere med på kurset;
kl. 12.00 - 14.30 eller kl. 14.30 - 17.00
Vi svarar på e-posten med lenkje til billettkjøp der du som vaksen gjennomfører billettkjøpet. Når kjøpet er registrert er dette ei bindande påmelding til mini-kurset.
Har du årskort til musea? Då opplyser du om det i e-posten, og vi registrerer påmeldinga di utan å sende lenkje til billettkjøp.
I tillegg til mini-kurs i sponkorg på verkstaden, har vi også andre aktivitetar på museet denne dagen.
I Halbrendhuset kan du kjøpe kaffi, saft og noko å bite i, og museumsbutikken er open som vanleg.
