Søndag 3. mars, kl. 11.00-15.00 blir det familiedag der du mellom anna kan flette, veve og nålefilte.
Program for dagen:
I Huus-stova kan du veve på sirkelvev og prøve nålefilting. Vilde viser teknikken med å veve på brikkevev.
I verkstaden kan du komme inn og sjå kva deltakarane på kurset "knutekorg og tægerbinding" arbeider med. Kursleiarane svarar gjerne på spørsmål. (NB: det er ikkje høve for publikum å lage noko på verkstaden denne dagen. Vi ber om at maskiner og verktøy får vere i fred og at born er i følge med vaksne.)
kl. 13.00: Omvising i utstillinga "Skakke folkedrakter - ikkje ei draktutstilling" med museumspedagog Nina.
I utstillinga står det eit aktivitetsbord der du kan lage fletter i ulike teknikkar. Du er også invitert til å teste haldningane dine til bunad og koftetradisjonar via meiningsbarometeret EINIG/UEINIG.
Som alltid er det open museumsbutikk med flotte varer, og høve til å kjøpe seg kaffi og noko å bite i.
Velkomen!