Velkomen til handverks- og husflidsmessa i Movika
Sunnfjord Museum og Midtre Sunnfjord Husflidslag ønskjer hjarteleg velkomne til den tradisjonelle handverks- og husflidsmessa i Movika.
Laurdag 12. og søndag 13. september, kl. 12.00–16.00 begge dagar.
Billett kjøpt laurdag gjeld også søndag. Hugs å ta vare på kvitteringa dersom du ønskjer å besøkje messa begge dagane.
Sal av handverk og husflid
Eit variert utval utstillarar kjem til Movika med eigenproduserte varer for sal. Liste over årets utstillarar blir publisert seinare. Du kan mellom anna vente å finne produkt i tre, keramikk, sølv og tekstil.
Messa er eit flott høve til å starte julegåvehandelen eller hente inspirasjon til eigne handarbeids- og handverksprosjekt.
Salsbodene finn du i fleire av dei antikvariske bygningane på museumsområdet. Ved inngangen får du utdelt kart over området, og bygningane er tydeleg merkte med skilt.
Sogn og Fjordane Husflidslag har stand med informasjon om arbeidet sitt. Her får du òg kjøpt lodd til årets haustlotteri, med flotte gevinstar frå årets messe.
Aktivitetar og omvisingar
Kafé
I Halbrendhuset vert det kafé med sal av kaffi, te, natronkaker og sveler.
Aktivitetar og omvisingar
Søndag blir det spikkeaktivitet for store og små. I tillegg vert det fleire aktivitetar og omvisingar gjennom dagen. Detaljert program kjem seinare.
Er du interessert i å vere utstillar på årets messe? Ta kontakt med Åse Dyregrov Midthun (ase.dyregrov.midthun@enivest.net) og Torhild Vie (torhildvie@gmail.com).