Velkomen til handverks- og husflidsmessa i Movika
Sunnfjord Museum og Midtre Sunnfjord Husflidslag ønskjer hjarteleg velkomne til den tradisjonelle handverks- og husflidsmessa i Movika.
Laurdag 12. og søndag 13. september, kl. 12.00–16.00 begge dagar.
Billettprisar: Kr. 110,-.
Billett kjøpt laurdag gjeld også søndag. Hugs å ta vare på kvitteringa dersom du ønskjer å besøkje messa begge dagane.
Born (0-17 år) kjem gratis inn.
Sal av handverk og husflid
Eit variert utval utstillarar kjem til Movika med eigenproduserte varer for sal. Du kan mellom anna vente å finne produkt i tre, keramikk, sølv og tekstil.
Messa er eit flott høve til å starte julegåvehandelen eller hente inspirasjon til eigne handarbeids- og handverksprosjekt.
Salsbodene finn du i fleire av dei antikvariske bygningane på museumsområdet. Når du løyser billett får du utlevert brosjyre med kart over området. Bygningane er tydeleg merkte med skilt.
I Sersjantløa:
May Elin Eikaas Bjerck: skinnfellar
Bente Stensaker: hekla ryer
Marit Nysæther Oppedal: varierte quilteprodukt/kunstquilt
Erik Tryggveson Bakke Vindem: knivar
Ann-Kristin Hauken: hekla produkt (vesker, korger, dukar) og cookies.
Odd Grimsrud: trearbeid
Sandane Gullsmedforretning v/Nina Skinlo: sølvarbeid
Maren Erland: vev
Asbjørg Lotsberg: småstrikk
Marit Andersen: tekstilprodukt/redesign
Gunvor Berge: redesign tekstil og småstrikk
Vigdis Marifjæren: småstrikk
Ruth Berit Garfors: urter, sopp og saft
Huus-stova:
Viktoria Sukhanik: smykke og sydde småting
Tvillingstrikk v/Berit Bjørnset Reksten og Marit Bareksten
Marihøna sy- og keramikkverkstad v/Mariann Ulltang Birkeland
Ingrid Skinlo: strikk
Eldstova:
FonnDesign: vev/kunstvev
Sonata Kerse: sydde småting
Kari Johanne Kvamme: sydde småting
Marianne Skadal: betongfigurar
Kafé
I Halbrendhuset vert det kafé med sal av kaffi, te, natronkaker og sveler.
Her finn du også Sogn og Fjordane Husflidslag som har stand med informasjon om arbeidet sitt. Du får også kjøpt lodd til årets haustlotteri, med flotte gevinstar frå årets messe.
Aktivitetar og omvisingar
Laurdag:
Kl. 12.00-16.00 kan du lage nøkkelring i lær. Aktiviteten finn du i Movika landhandel og skomakarverkstad (Gulehuset)
Kl. 14.00: Omvising i jubileumsutstillinga "Røter i rørsle" v/ Kristine Ness, konservator på Sunnfjord Museum.
Søndag:
Kl. 12.00-16.00 blir det spikkeaktivitet for store og små saman med Leiv Sølvberg. Dette skjer på flaken nede ved Movatnet.
Er du interessert i å vere utstillar på Handverk- og husflidsmessa 2027? Ta kontakt med Åse Dyregrov Midthun (ase.dyregrov.midthun@enivest.net) og Torhild Vie (torhildvie@gmail.com).