Bli med på haustferiedagar på Sunnfjord Museum!
Måndag 5. og tysdag 6. oktober, kl. 10.00-15.00 kan du prøve deg på ulike aktivitetar på museet. Du kan mellom anna:
Teste bogeskyting i Sersjantløa: Spenn bogen og sjå om du treff blink.
Spikke deg noko fint på verkstaden. Handverkar Stig set deg igang.
Prøve smiing med handverkar Knut Arve. (NB: aldersgrense 10 år)
Programmet vert utvikla, og fleire ting kjem.
I tunet kan du sjå Movika landhandel og skomakarverkstad, kikke inn i kvernhuset og stabburet. Her finn du også uteleikar til fri bruk.
I besøksbygget, 2. etg., finn du jubilumsutstillinga "Røter i rørsle". Gjennom tekst, gjenstandar og filmklipp kan du sjå og lære meir om museet si historie, og kva vi som museum jobbar med.
Det blir sjølvbetjent kafé i Halbrendhuset, med sal av vaflar, kaffi og te.
I museumsbutikken finn du kioskvarer som brus, is og sjokolade. Her sel vi også bøker, gåveartiklar, tradisjonelle leiker, og handverksprodukt.
Velkomen til kjekke haustferiedagar for små og store!
