På 1820-talet tok unge kvinner frå Sogn og Fjordane eit modig val. Til fots gjekk dei over fjellet til Christiania for å utdanne seg til jordmødre. Dette var dei aller første kvinnene frå vårt fylke som tok ei formell utdanning.
Kven var desse kvinnene? Og kvifor har dei fått så liten plass i historiebøkene?
Føredragshaldar er Annette Langedal Holme, museumsleiar ved Kystmuseet i Sogn og Fjordane. Ho presenterer funn frå arkiva og fortel historia om dei første jordmødrene i fylket.
Bilete viser Annette Langedal Holme med gjenstandar frå fødsel og dåp utstilt på De Heibergske Samlinger. Her er blant anna ei dåpsbleie og ein magisk bjørnelabb som skulle lette fødselen.