Vi treng di hjelp!
I 2026 opnar Sunnfjord Museum ei ny fast miljøutstilling – ein landhandel! Dette blir ei utstilling der publikum skal kunne interagere med tinga som er utstilt – opne skuffer, kjenne på, og lukte på varer. Vi kjem til å formidle om handel og handelshistorie frå Sunnfjord frå 1800-talet og fram til 1950-talet, med mest fokus på varer i butikken frå 1940- og fram til 1960-talet
I dette høvet treng vi di hjelp med å skape ein landhandel, med ei liknande stemning slik du ser på fotografiet nedanfor.
Har du emballasje, boksar, trekasser, øskjer, tre-river, verktøy og varer som museet kan få som rekvisittar til utstillinga?
Då vil vi gjerne høyre frå deg!
Korleis? Kom til Sunnfjord Museum følgande dagar:
Torsdag 5. februar, kl. 15.30-19.00
Fredag 6. februar, kl. 15.30-19.00
Vi vurderer det du har med, registrerer gjenstanden/gjenstandane i skjema og kontaktinfo på gjevar.
Dei som gir gjenstandar til utstillinga ønskjer vi å takke med ein gratis billett til museet si sesongopning, 31. mai. Då skal landhandelen opne, og det vert feiring av museet sitt 100-års jubileum.
Om du har noko du ønskjer å gje, må du gjerne tenke over følgande:
Kva tid er gjenstanden frå?
Kven har brukt den/kor er den frå? Til dømes, om gjenstanden kjem frå ein landhandel i området.
Er det nokon spesielle historier knytta til gjenstanden/historikk?
Ein rekvisitt er ein gjenstand som ikkje vert innlemma i museumssamlinga og bevart for ettertida som ein museumsgjenstand. Som rekvisitt fungerer gjenstanden som eit verktøy i formidlingsføremål og kan inngå i ei miljøutstilling der publikum kan få ta på gjenstanden.
