Vi lagar julestemning i Movika, og inviterer til ny juleutstilling, julepynta hus og julestemning i tunet!
Den nye juleutstillinga tek særlig føre seg forbredingane før jul i det gamle bondesamfunnet, men også andre tradisjonar. Kanskje får du svar på spørsmål om kvifor nokre av juletradisjonane dine er som dei er?
Vaksne, student, honnør: kr 75
Barn, frå 6 år: kr 25
Famile (to vaksne og barn) : 200 kroner
Som del av utstillinga er det også fleire aktivitetar, og du kan lage julekort, julebukkmasker og julepynt. Du kan høyre meir om utstillinga på Sogn og Fjordane i dag
Ute i tunet har vi pynta til jul i stova på husmannsplassen og i Østenstadstova og du kan sjå korleis det såg ut til jul på 1800-talet. Klokka 13.00 kan du få omvising i dei to julepynta stovene.
Vi håpar eit førjulsbesøk i Movika både er interessant, og avslappande i ei elles travel førjulstid.
Opningstider
Du kan også sjå utstillinga og besøke oss tysdag til fredag 10.00 -15.00, og kvar sundag fram til 18. desember.