Utstillingsopning: Skakke folkedrakter

Frå Nasjonalmuseet i Oslo, via Valdres og Kautokeino kjem utstillinga Skakke folkedrakter til Movika og Sunnfjord Museum. 19. november opnar vi denne viktige og spennande utstillinga!

Bunadar, samiske kofter, folkedrakter og andre kulturelle symbol kan få deg til høyre heime, men også til å kjenne deg utanfor, skamfull og sint. I Skakke folkedrakter, som er langt frå ei draktutstilling, har dei seks samtidskunstnarane Harald Beharie, Lin Wang, Márjá Karlsen, Rafiki, Christian Blandhoel og Håvard Kranstad utforska og utfordra draktskikkar, identitet og handverkstradisjonar. Resultatet er ein hyllest, så vel som eit opprør.

Selv om «Skakke folkedrakter» er en liten utstilling, går jeg ut med en følelse av å ha opplevd utrolig mye – sterke verk, interessante tanker og vanskelige spørsmål! Dette er en utstilling jeg varmt anbefaler." skriv Mona Pahle Bjerke i NRK si anmelding av utstillinga.

Flytande kjønnsidentitet og sint bandvev

Dei seks kunstnarane bak utstillinga har ein variert bakgrunn, og du møter eit spenn av ulike kunst- og kulturuttrykk. Du møter bygdebøgen, tekstilkunst med limpistol, tradisjonelle flytande kjønnsidentitetar og sint bandvev. Vi håpar at utstillinga kan utfordre deg, og resten av publikum, til å tenke på symbol og idear som har forma di, og andre si, sjølvforståing og historie. Du kan lese meir om kunstarane på Nasjonalmuseet sine nettsider.

Førebels program

15:30 Dørene opnar  

16: 00 Opning av utstillinga.

• Velkommen ved Sunnfjord Museum

• Helsing frå Nasjonalmuseet ved Eli Solberg, formidlingskurator

• Opning av utstillinga ved Anita Nordheim, kommunalsjef for idrett og kultur i Sunnfjord kommune.

Enkel servering og gratis inngang.