Utan dokter og dyrlege måtte forfedrane våre finna eigne lækjeråder for sjukdom både hjå folk og fe. Dei nytta planter og naturmedisin, men også magi og rein overtru. I dei gamle stovene kjem vi i den rette stemninga, og i folketru-utstillinga ser vi på svartebøker og andre magiske gjenstandar frå bygdene våre.

Kva brukar me vatnet til? Lær om vatn i naturen, som kraftkjelde, i hushaldet og i kulturhistoria.

Denne skuledagen spenner frå dagleglivet til magien og verdspolitikken: Elevane ber vatn og vaskar klede, dei forskar og leitar etter liv i vatnet, og dei ser korleis vatnet driv bekkekverna og produserer elektrisitet. Vi kjem også innom magiske førestellingar om vatnet, og vass-situasjonen i verda.

Velkomne til ein eventyrleg vårdag på museet!

Denne dagen kan de sjå fram til eventyr framfor peisen, foring og stell av dyra på museumsgarden, hyttebygging med laftestokkane, tur i Eventyrskogen, og meir til.