Hausten er ei travel tid på garden. Slik var det også før i tida! Då skulle alt i hus, som skulle berga familien gjennom den lange vinteren. Bli med på noko av dette arbeidet gjennom ein aktiv (og smaksrik) dag på den gamle museumsgarden.

Ein skuledag på museet har vorte fast førjulstradisjon for mange av skulane i Sogn. Her høyrer me om arbeid og juleskikkar på den gamle garden, me skriv julekort, syng julesongar, og et julegraut – med mandel. Dagen blir avslutta i kyrkjeutstillinga, der elevane sjølve les juleevangeliet.