Vi lagar julestemning på museet og inviterer til julepynta hus i tunet.
Husmannstova og Østenstadstova er pynta til jul, og gjev deg eit inntrykk av korleis det såg ut til jul på 1800-talet.
Kl. 12 og kl. 14 kan du få omvising i dei to stovene.
I utstillingssalen kan du sjå utstillinga Skakke folkedrakter. I tillegg til dei utstilte verka kan du prøve å flette ulike band, og teste dine eigne haldningar til bunad- og koftetradisjonar i meiningsbarometeret EINIG/UEINIG.
Museumsbutikken er open med flotte julevarer. Vi har også eldre utgåver av "Jul i Sunnfjord" til sals.
Vi serverer gløgg og pepperkaker.
Program for dagen:
Takkebakst i Eldstova.
Kl. 12 og kl. 14: Omvising i dei julepynta stovene. Oppmøte ved Østenstadstova.
I Huus-stova kan du lage julepynt, julekort, teikne eller spele brettspel.
Vi håpar eit førjulsbesøk i Movika både er interessant og avslappande i ei elles travel førjulstid.