Folkedrakter, folkeeventyr og rosemåling. Tradisjonsplagg og symbol kan skape sterke kjensler av å høyre til. Det kan også gjev kjensla av å ikkje gjere det. I utstillinga Skakke folkedrakter har seks samtidskunstnarar utforska, og utfordra, draktskikkar, identitet og handverkstradisjonar.
Skakke folkedrakter er ei turneutstilling produsert av Nasjonalmuseet. Dei seks kunstartane Márjá Karlsen, Harald Beharie, Rafiki, Lin Wang, Håvard Kranstad og Christian Blandhoel har dukka ned i ulike handverksuttrykk og kulturar saman med tradisjonshandverkarar og kunnskapsberarar.
Resultatet er verk som både heidrar tradisjonane, men også provoserer og stiller spørsmål. Kunstuttrykka er varierte - du møter fotografi, keramikk, video, vev, instrument og dans.
Selv om «Skakke folkedrakter» er en liten utstilling, går jeg ut med en følelse av å ha opplevd utrolig mye – sterke verk, interessante tanker og vanskelige spørsmål! Dette er en utstilling jeg varmt anbefaler." skriv Mona Pahle Bjerke i NRK si anmelding av utstillinga.
Utstillinga er ein hyllest på lik linje med eit opprør. Utgangspunktet er drakter, men ikkje i form av ei draktutstilling. Draktene blir symbol og idear som har vore med forma vår tid, sjølvforståing og historie. I utstillinga blir publikum invitert til å også undersøke sine eigne førestillingar og idear om drakt, tradisjon og sjølvforståing.
Marja Karlsen er ein av kunstnarane i Skakke folkedrakter. Du kan lese, og høyre meir om kunstarane og verka på Nasjonalmuset sine nettsider
Skakke folkedrakter opna på Valdres museum 17. juni 2023. Prosjektet blei starta som del av Nasjonalmuseet sitt arbeid med Skeivt kulturår, og er utvikla saman med Norsk Institutt for Bunad og Folkedrakt, museum og visningsstader.
Du kan sjå utstillinga på Sunnfjord Museum i perioden 19. november 2023 til 27. mars 2024. Det er tredje visinigsstad i turneen på tvers av Noreg og Sápmi.