"Folketru, tussar og troll" er eit av dei årlege arrangementa på museet, der vi set fokus på eventyr og segner om underjordiske og vesen som troll, huldrefolk, nøkken og andre skrømt. Nokre av dei har du kanskje høyrt om i eventyr?
Mørke haust- og vinternetter, og mindre kontroll på både livet og naturen, var bakgrunnen for den rike førestillingsverda i norsk folketru. Desse skikkelsane levde parallelt med menneska, og kunne vere vesen ein både skulle passe seg for, men også "spele på lag med".
Søndag 29. oktober inviterer vi til ny dag med tema "Folketru, tussar og troll", og det litt skumle og uforklarlege.
Program for dagen
11.00-15.00: Lykteverkstad/teikning i Halbrendhuset. Dekorer di eiga lykt av syltetøyglas.
12.00: Tur og forteljingar om underjordiske og huldrefolk på stølen
13.30: Forteljing om to små troll, i Østenstadstova.
NB! Kle deg etter vêret og ta med eigne syltetøyglas til verkstaden.