Vi ynskjer små og store hjartleg velkomen til ny sommarsesong på Sunnfjord Museum.
Denne dagen markerer vi at sesongen er i gang for fullt. Det blir ymse aktivitetar ute og inne.
På sesongopninga vil dei tre geitebukkane få namna sine.
Eit meir detaljert program kjem.
I utstillingssalen kan du sjå Livreddaren. Utstillinga tek føre seg treeinigheten mellom landskap, dyr og menneske. Gjennom fotografi, handverksprodukt og installasjonen Ullgloa blir du kjent både med sauen og ulla. Som del av utstillinga er det også eit aktivitetstilbod der du kan prøve å karde og spinne, nålefilte og flette, for å bli enda betre kjent med materialet.
Museet er ope kvar dag i sommar med utstilling, butikk og enkel kafé med kioskvarer, kaffi og is.
NB! På dagar med arrangement ynskjer vi at alle som skal nytte seg av museumsområdet løyser billett.