Vi markerer starten på sommarsesongen med ei sesongopning, og ynskjer små og store hjartleg velkomen til Sunnfjord Museum!
På sesongopninga har vi eit rikt program, og du kan vere med på aktivitetar både inne og ute.
Kl. 12.30: Utstillingsopning av utstillinga Spelemenn og sognekjerringar: underhaldning i det norske Amerika. Omvising v/ museumsleiar Sallie Anna.
Kl. 14.00: Museumsgeitene får namn.
Namngjeving til dei tre museumsgeitene. Etterpå kan born og vaksne bli med inn på beitet og gje geitene kos og mat.
Kl. 15.00: Familieomvising (Omvising på norsk). Bli med på ei omvising i friluftsmuseet og høyr om korleis folk på sunnfjordbygdene budde og levde på 1800-talet. Vi besøker mellom anna Østenstadstova, ei røykstove frå 1500-talet, og skulestova der du kan skrive med blekk og penn.
Kl. 13-16: I stabburet kan du sjå konservatoren vår, Kristine, jobbe med gjenstandar og førebu ny miljøutstilling. Ho svarar gjerne på spørsmål.
Heile dagen kan du:
* Prøve uteleikane som står i tunet. Du kan gå på stylter og kaste ringspel.
* Spele brettspel, teikne eller nyte medbrakt niste i Huus-stova
* Kverne korn med handkverna i eldhuset
Ope kvar dag i sommar!
Frå 1. juni-31. august held vi ope kvar dag!
Måndag til fredag: Kl. 10-17.
Laurdag og sundag: Kl. 12-17.
På utvalde datoar i sommar arrangerer vi Familiedagar. Dette er aktivitetsdagar for heile familien, og i tunet legg vi til rette for at du kan prøve ulike ting som til dømes å prøve ulike handverks- og husflidsaktivitetar.
For å kome inn på museumsområdet i opningstida må du kjøpe billett. Dette gjeld uansett om du skal nytte deg av tilboda våre eller ikkje. Du kan kjøpe billett i resepsjonen, eller på nett.
Besøker du Sunnfjord Museum mykje? Kjøp eit årskort! Det kan du bruke hos oss og resten av Musea i Sogn og Fjordane eit heilt år frå kjøpsdato.