Pedagogiske tilbod for skule og barnehage
Musea i Sogn og Fjordane har ei rekke tilbod til skuleklassar på alle trinn og barnehage. Museumsbesøk gjev elevane opplevingar i fysiske miljø som heng saman med læringsinnhaldet. Dei får bruke alle sansane sine og prøve ulike praktiske øvingar. Tilboda er utarbeida av våre museumspedagogar, og tek utgangspunkt i skulen sine læreplanar og kompetansemål. Alle tilboda er gratis.
Utforsk og bestill
For å utforske og bestille dei forskjellige pedagogiske aktivitetane, trykk på knappen nedanfor. Då kjem du til den nasjonale portalen for undervisingsopplegg på museum, DigitaltMuseum Skole. Skriv namnet på museet du ønskjer å besøke i søkefeltet. Sorter eventuelt trinn, fag, emneord eller stad. Merk også at du kan velgje reine digitale opplegg landet rundt.
Er du usikker på kva museum du ønskjer å besøke, sjå alle musea våre nedst på sida.
Ver merksam på at ikkje alle museum har aktive opplegg for skule eller barnehage. Tilboda er i utvikling, nye kjem til, andre vert tatt vekk. Ta gjerne kontakt med musea om det er noko du saknar.
