Jula er vår favorittid på museet og i år har vi eit variert program i førjulstida!
Juleutstilling
Årets juleutstilling handlar om tradisjonar knytt til jul. Vi har valgt å ha fokus på juledrikken, julematen og juletreet. Vi har også gjenskapt to historiske juletre etter skildringar frå 1800-talet - 14 år gamle Jakob på garden Djupedal i Selje sitt juletre frå 1879, samt Gustava Kielland si skildring frå 1840-talet.
Utstillinga er tilgjengeleg i museets opningstider, eller etter avtale. Ta kontakt med museumspedagog Trine Anette Fostervold (trifos@misf.no) for meir informasjon.
Vi har òg pynta til jul i friluftsmuseet, med julekveld i Sydneshuset, Moritsstova, Sætastova og Otnheim.
Jul på museet - familiedag søndag 11.desember
Vi inviterar til årets siste familiedag og ynskjer velkomne til førjulsmoro på museet. Det blir aktivitetar for både store og små. Utforsk våre julepynta hus i friluftsmuseet, lær om gamle juletradisjonar, prøv deg på lysstøyping og meir! Det vil også vere eit julemarknad i Frislidlada med aktørar frå nærområdet.
Juleomvisning
I desember tilbyr vi omvisning i våre julepynta hus og utstilling for alle grupper - skuleklasser, barnehagar og privatpersonar. Korleis har innbyggarane i Nordfjord feira jul dei siste 400 åra?
Ynskjer du å tinge omvisning? Ta kontakt med museumspedagog Trine Anette Fostervold (trifos@misf.no) for meir informasjon.
Jul i Nordfjord
Søndag 6.november lanserte vi Jul i Nordfjord 2022! I årets utgåve kan du lese om trolldom i Nordfjord på 1700-talet, bli betre kjent med spelemann P.M. Bolstad og kunstnar Rolv Muri, kulturlandskap på Standlandet, Vingen helleristningsfelt, lære om nålebinding med meir.
Juleheftet kan du få kjøpt i museumsbutikken vår, eller på eit utval forhandlarar rundt omkring i Nordfjord. Vi kan òg sende magasinet i posten, ta kontakt med museumsvert Ingvild Førde (ingfor@misf.no) for meir informasjon. Manglar du ei tidlegare utgåve i samlinga? Vi har mange utgåver tilgjengeleg i vår museumsbutikk. Mange er også tilgjengeleg digitalt, les meir her.
