Vi har 32 historiske bygg, som er sett opp for å syne eit tradisjonelt gardstun, husmannsplass og støl. Vi har også eit skulehus og fleire enkeltståande bygg. Gjenstandssamlinga vår er variert og spenner over fleire hundre år. Vi har også ei stor fotosamling.
Aktivitetar og opplevingar
Vi held ope heile året, og har aktivitetar og arrangement sommar som vinter. I sommersesongen er fleire av dei historiske bygga opne. Vi tilbyr individuelle og tilrettelagte omvisingar for alle besøkande på norsk og engelsk. Fleire turløyper har start frå museumsområdet.
Skiftande utstillingar og museumsbutikk
Vi legg opp til skiftande utstillingar gjennom året, både eigenproduserte og vandreutstillingar.
nnandørs har vi også museumsbutikk med eit utval av kulturhistoriske bøker, gåveartiklar, tradisjonelle leiker og handverksprodukt. Her kan du også kjøpe kaffi, is og kioskvarer. Museumbutikken er open i museet sine opningstider.
Kurs og pedagogiske tilbod
Vi arrangerer ulike kurs gjennom året der du mellom anna kan lære tradisjonelle handverk. I samband med skuleverket og andre samarbeidspartnarar tilbyr vi pedagogiske tilbod for ulike aldersgrupper.
