Dette er Elling som legg bordkledning. Tystadstabbueret ved Nordfjord Folkemuseum er eitt av dei mange byningane handverkarane vøla på i 2025.
Dei brukar tradisjonelle handverksteknikkar i arbeidet sitt. Som her - feste bordklending med trenaglar.
Marit er ein av kursdeltakarane våre, her lærer ho å flette korg på Sunnfjord Museum.
Gjennom fleire kurs og verkstader kvart år, lærer vi vekk immateriell kulturarv, som tradisjonelt handverk.
Dette er Joakim. Han byrja som vår første rådgjevar innan bygnignsvern.
Han hjelper huseigarar med råd og tips til kva dei kan gjere med sine antikvariske bygg.
Mayra held eit høgt tempo med stadig nye utstillingar på Sogn og Fjordane Kunstmuseum i Førde.
Her jobbar ho i ein modell av utstillinga Vest, med bilete innlånt av Birger Mowinkel.
Rakel har vore lærling på Kystmuseet i Sogn og Fjordane.
Kanskje kan ho bli ei av våre framtidige handverkarar?
Norun sine vevnader kjem til sin rett på Eikaasgalleriet.
Utstillinga "Livesnerven - frå stove til atelier" handla mykje om vevnad og kunsthandverk, men også kvinneleg gûnderskap.
Sallie og Sunnfjord Museum bidrog til vår deltaking i utvandrarjubileet til USA, Crossings 200, med utstillinga "Spelemenn og sognekjerringar".
Samtidig har ho forska på norsk-amerikanarar si humorkarriere i USA, blanta anna kvinneleg standup tidleg på 1900-talet.
Holvikejekta fekk omsider ein skikkeleg heim.
Høgtideleg opning "under kjølen", og over 500 på folkefesten utandørs. Jekta har ein uvurderleg posisjon i kulturarven.
Alexander er ein av våre kunnskapsrike formidlarar som dreg rundt og deler kulturhistoria.
I fjor såg mange føredraga hans om steinkrossar - høgd ut i Hyllestad, der Kvernsteinsparken ligg.
Veldig kjekt for oss også, at Kvernsteinsparken i 2025 vart del av Unesco sin nye globale geopark.
Svein og Liv Anne ser ut som dei er besøkande til utstillinga "Hytta" på Norsk Reiselivsmuseum.
Det er ikkje heile sanninga. Dei er to av våre velvillige statistar som let seg avbilde, så vi kan ha fine reklamebilete. Tusen takk!
På Sogn Fjordmuseum har Trude ei av våre store samlingar av båtar og fiskereiskap å vise fram.
Fjorden som livsnerve er eit tema som er lett å gløyme etter at vegar og fly tok over logistikken, og fisken kjem i pappøskjer.
Då er Fjordmuseet eit godt døme på kvifor vi har museum - når vi sluttar med ting, gløymer vi. Museet tek vare på gjenstandar, kunnskap og minner.
Ole Sivert viser rundt på De Heibergske Samlinger - Sogn Folkemuseum.
Han er er ein av våre rundt 50 sommarvertar. Det er ærefullt at vi kvart år får vere mange ungdomar rundt i Sogn og Fjordane si første jobberfaring.
Vågsberget Handelsstad sin handelsdag blir stadig meir populær.
Museet i Måløy var i 2025 ein god bidragsytar til at samla besøkstal i Musea i Sogn og Fjordane vaks med omlag to prosent til 58 678.
Kristine reingjer eit 233 år gamalt skrin. Det er på veg inn i fellesamagasinet vårt, Tinghuset.
Etter knappe to års drift, har 2 332 gjenstandar fått plass i det nye lokalet i Angedalen.
Lubna fekk ein skikkeleg klem av Jenny då statsråden fortalde ordføraren at staten bidrar med pengar til nytt besøkssenter ved Astruptunet.
Når også Sunnfjord Kommune, Sparebankstiftinga Sogn og Fjordane, Sparebankstiftelsen DNB og Vestlandet Fylkeskommune bidreg, er finansieringa komplett - og arbeidet kan byrje.
Lasse er driftsteknikar på De Heibergske Samlinger - Sogn Folkemuseum
Saman med drifts-kollegaene sine, syt han blant anna for at alle driftsbygningane våre fungerer som dei skal. Spesielt viktig er branntryggleiken.
Ingebjørg ved Sogn Kunstsenter, fortel elevar frå Lærdalsøyri skule om livet og kunsten til Hans gjesme.
I fjor tok formidlarane våre imot 6 572 elevar og barnehagebarn på musea våre.
Tilbod om gratis museumsbuss til niandeklassar, gav 1 361 15-åringar tilgang til læring og opplevingar hjå oss i skuletida.
Thomas er pådrivar for at Musea i Sogn og Fjordane sine tilsette driv forsking. Nye forskingsmidlar utløyser stadig nye prosjekt.
Saman med andre vestlandsmuseum vil vi mellom anna undersøke korleis musea har vore med og skape og oppretthalde skiljet mellom natur og kultur.
Gregory bidreg til julestemning på juleverkstaden på Sogn og Fjordane Kunstmuseum.
Litt avhengig av korleis vi tel, hadde vi over 150 ulike arrangement i 2025. I førjulstida er det mange som kjem for å oppleve julenostalgi, fellesskap og læring.
Sallie sitt konkurranseinnstinkt fekk blomstre, då dei tilsette testa ut dette spelet for skulebarn.
Her er det om å gjere å komme seg fortast råd til Bergen med jekter frå Nordfjord, Sunnfjord og Sogn.
Det kan sjå litt kaotisk ut her, men denne gjengen er det altså som driv Musea i Sogn og Fjordane.
Vi er i overkant av 60 fast tilsette, med oppgåver fordelt over 14 museumsarenaer mellom kysten og Indre Sogn.
Vi er stolte over å få lov å ta vare på kulturarven for ettertida. Velkomen til oss!
